"Salamat Sa Lahat"

Sisimulan ko ang aking tula
kung saan ako nagmula
kung kailan kita nakilala
at sa pagpapatawad sa aking pagkakasala
'di pa man mulat ang aking kaisipan
panahon ng aking kabataan
kung ano ang iyong pangalan
kung ikaw ba ayu tunay na makapangyarihan
kaya noon, sabik akong maunawaan
ang mga salita mo na nais kong panghawakan
Binasa ko ang iyong mga salita
Kinabisa ang bawat letra
isinabuhay ang bawat kapitulo
lahat ng ito'y aking isinaulo
at ito'y aking tinatandaan,
Sa bawat kabanata ng aking pinagdadaanan.
Puso ko'y tila nag-iinit
sa pagpuri sa'yo na aking isinambit
ako'y sayo ay lumalapit,
at patuloy akong kakapit
dadamhin ang yakap mong kayhigpit
Sasambahin kita ng paulit-ulit.
madalas man akong magkasala
lahat ng iyon tila'y nawawala
sa tuwing ako ay mananalangin
lahat ng ito ay iyong tatanggapin
kahit 'di man kita makita tulad ng hangin
nariyan ka palagi upang ako'y dinggin.
hindi matutumbasan ng ilang pasasalamat
ang kabutihan mong bukod tangi sa lahat
talikuran man ako ng lahat,
ikaw lang ang nag-iisang tapat
Kahit ako'y 'di karapat-dapat
sa pagmamahal mo na aking tinanggap.
Salamat sa pagprotekta palayo sa kapahamakan
Salamat sa pag-ibig na iyong pinaramdam
Salamat sa biyaya na iyong inilaan
Salamat sa taglay mong kabutihan
Araw-araw kong itataas ang iyong matamis na pangalan
Panginoon ko, Salamat sa buhay na walang hanggan.